Իրանի արտգործնախարար Ամիր Աբդոլլահիանը ՀՀ արտգործնախարար Արարատ Միրզոյանի հետ հեռախոսազրույցում ասել է, որ օտարերկրյա ուժերի ներկայությունը բարդացնում է տարածաշրջանի իրավիճակը, գրում է IRNA-ն։

Նա նկատի է ունեցել «Eagle Partner» զորավարժությունները, որոնք սկսվել են ԱՄՆ-ի եւ Հայաստանի միջեւ երկուշաբթի օրը:

10-օրյա զորավարժություններին մասնակցում են ամերիկացի 85 զինծառայող եւ 175 հայ զինծառայող: Այն անցկացվում է Հայաստանի մայրաքաղաք Երեւանից ոչ հեռու գտնվող երկու մարզահրապարակներում։

Զորավարժություններն անցկացվում են Լեռնային Ղարաբաղի վիճելի տարածաշրջանի պատճառով Հայաստանի եւ Ադրբեջանի միջեւ բարձր լարվածության շրջանում:

Ղարաբաղը, թեեւ միջազգային հանրության կողմից ճանաչված է որպես Ադրբեջանի մաս, ունի գերազանցապես հայ բնակչություն, որը 1994թ. պատերազմից ի վեր համառորեն հանդես է գալիս ադրբեջանական կառավարման դեմ:

Տարածաշրջանում լարվածությունը սրվել էր այս շաբաթվա սկզբին, երբ երկու կողմերն էլ միմյանց մեղադրեցին իրենց համատեղ սահմանի մոտ զորքեր կուտակելու մեջ:

Իրանի ԱԳ նախարարը կոչ է արել, որպեսզի նման վեճերն արմատապես լուծվեն տարածաշրջանում կայուն խաղաղության հասնելու համար:

Նրա կարծիքով՝ տարածաշրջանային համապարփակ խաղաղության հասնելու ամենաարդյունավետ միջոցը «3+3» ձեւաչափով տարածաշրջանային բանակցություններին եւ մեխանիզմներին անդրադառնալն է, որին մասնակցում են Հայաստանը, Ադրբեջանը եւ Վրաստանը՝ գումարած Ռուսաստանը, Թուրքիան եւ Իրանը:

Իր կողմից, հայ պաշտոնյան անընդունելի է համարել Հարավկովկասյան տարածաշրջանի սահմանների ցանկացած փոփոխություն:

Բարձրաստիճան դիվանագետները անդրադարձել են Թեհրանի եւ Երեւանի միջեւ երկկողմ հարաբերությունների ընդլայնման առկա միջոցներին։