նախընտրելի դարձնելԱմերիկացի հայտնի քարոզիչ Հարոլդ Քեմփինգը շարունակում է հավաստիացնել, որ աշխարհի վերջն անպայման կլինի: Նա իր երկրպագուներին այս անգամ հայտարարել է, որ ապոկալիպսիսն սպասվում է հոկտեմբերի 21 –ին:
Սական Քեմփինգն աշխարհի վերջ է «խոստանում» ոչ առաջին անգամ: Տասնյոթ տարի առաջ հոգեւորականը հայտարարել էր, թե աշխարհի վերջը լինելու է 1994 թ. սեպտեմբերի 15-ին, սակայն երբ դա չկատարվեց, նա հայտարարեց, թե պետք է սպասել մայիսի 21-ին:
Երբ մայիսի 21-ն էլ առանց ապոկալիպսիսի անցավ-գնաց, Քեմփինգը պարզաբանեց, որ իրականում լինելու է երկու վերջ` «հոգեւոր» եւ «ֆիզիկական»: Նա պնդում է, որ, այնուամենայնիվ, մայիսի 21-ին տեղի է ունեցել «հոգեւոր ոչնչացումը», իսկ ահա հոկտեմբերի 21-ին լինելու է աշխարհի «ֆիզիկական» վախճանը: Քարոզիչի խոսքով` ինքը երկար մտածել է եւ եկել այն համոզման, որ աշխարհի վերջը կլինի «շատ հանգիստ», փոխանցում է Ytro.ru-ն:
