Թուրքիայի արտգործնախարար Ահմեդ Դավութօղլուն իշխող «Արդարություն եւ զարգացում» կուսակցության պատգամավորների հետ հանդիպման ժամանակ դրվագներ է պատմել Էրդողանի եւ Օբամայի միջեւ հեռախոսային զրույցներից:

Թուրքական Milliyet-ի փոխանցմամբ՝  Դավութօղլուն պատմել է, թե հեռախոսազրույցներից մեկի ժամանակ Օբաման քննադատել է Էրդողանին, նշելով, որ Թուրքիան Իրանին պաշտպանում է։  Ըստ Դավութօղուի՝ Էրդողանը չի ընկրկել եւ հանդիմանել է Օբամային, մեղադրելով ԱՄՆ-ին՝ Իսրայելի փաստաբանը լինելու մեջ։

Դավութօղլուն նշել է, թե 9 ամսում ԱՄՆ նախագահ  Բարաք Օբաման 11 անգամ զանգահարել է Թուրքիայի վարչապետ Ռեջեփ Թայիփ Էրդողանին, ինչը նշանակում է, որ Թուրքիան աշխարհում կարեւոր ուժ է ներկայացնում։