նախընտրելի դարձնել
Ադրբեջանը պետք է անհապաղ դադարեցնի Լեռնային Ղարաբաղի դեմ հարձակումները։ Այս մասին X (նախկին «Թվիթեր») սոցցանցում գրառում է կատարել Եվրոպական խորհրդարանում Հայաստանի հարցերով մշտական զեկուցող Անդրեյ Կովաչևը։
«Պարզ է, որ Պուտինն աջակցում է նրանց և փորձում է ապակայունացնել Հայաստանը։ Ադրբեջանը պետք է անհապաղ դադարեցնի դա և թույլ տա Լեռնային Ղարաբաղում վերադառնալ բնականոն կյանքի։ Լեռնային Ղարաբաղից հայերի վտարմանն ուղղված «մարդասիրական միջանցքները» հավասարազոր են էթնիկ զտումների»,- գրել է Կովաչևը։
Ավելի վաղ NEWS.am-ը հայտնել էր, որ ըստ Արցախի ՊԲ հաղորդագրության, սեպտեմբերի 19֊ ին` ժամը 13։00֊ի սահմաններում ադրբեջանական զինուժը շփման գծի ողջ երկայնքով խախտել է հրադադարը` հասցնելով հրթիռահրետանային հարվածներ»:
Նշենք, որ հրետակոծվում են Ստեփանակերտը, այլ բնակավայրեր:
