Հոկտեմբերի 5-ին Գրանադայում հանդիպումից Ադրբեջանի նախագահի մերժման մասին հաղորդագրությունից հետո Ադրբեջանի ԱԳՆ-ն մեկնաբանություն է տարածել Լեռնային Ղարաբաղի Հանրապետության նախկին բարձրաստիճան պաշտոնյաների, այդ թվում՝ երեք նախկին նախագահների անօրինական ձերբակալությունների առնչությամբ Հայաստանի ԱԳՆ հայտարարության վերաբերյալ։

Ադրբեջանի ԱԳՆ պաշտոնական հաղորդագրությունում, որը տարածվել է լրատվամիջոցներին, ընդգծվում է, որ Հայաստանի ԱԳՆ հայտարարությունը «ցույց է տալիս Հայաստանի անկարողությունը հրաժարվելու իր ագրեսիվ քաղաքականությունից»։

«Հայաստանը, շարունակելով անհիմն իրավական պահանջներ առաջ քաշել, ակնհայտորեն ցույց է տալիս, որ շահագրգռված չէ Ադրբեջանի հետ խաղաղ կարգավորման և հարաբերությունների նորմալացման գործընթացով։ ԱԳՆ-ն ընդգծել է, որ Հայաստանի գործողությունները սպառնալիք են տարածաշրջանում խաղաղության և անվտանգության համար»,- մեջբերում է լրատվամիջոցը։

Հիշեցնենք, որ նախորդ բոլոր ագրեսիվ գործողությունները Լեռնային Ղարաբաղի և Հայաստանի դեմ սկսվեցին նմանատիպ գլխիվայր շուռ տված պնդումներից ու մեղադրանքներից։ Այսպիսով, Բաքուն փորձում է «տեղեկատվական հիմք» ստեղծել ագրեսիվ գործողությունների համար։