նախընտրելի դարձնելՆոյեմբերի առաջին կեսին Հայաստանի նախագահի օտարերկրյա այց չի նախատեսվում, այդ թվում նաեւ Վրաստան:
Հայաստանի նախագահ Սերժ Սարգսյանին, Ռուսաստանի Դաշնություն կատարելիք պետական այցելության ընթացքում, որը տեղի կունենա հոկտեմբերի 23-25-ը, նրան կուղեկցի ԱԳ նախարար Էդվարդ Նալբանդյանը:
Ինչպես NEWS.am-ին տեղեկացրեց արտաքին գործերի նախարարության մամուլի պատասխանատու Տիգրան Բալայանը, հոկտեմբերի 26-ին Երեւանում արտգործնախարարը կբացի Հայաստան-Եվրոպական միություն Ասոցացման համաձայնագրի բանակցությունների 7-րդ լիագումար նիստը: Նույն օրը նախարար Նալբանդյանը կմասնակցի Երեւանում կայանալիք ֆրանկոֆոն քաղաքապետերի միջազգային կազմակերպության գլխավոր ասամբլեայի բացմանը եւ կընդունի Փարիզի քաղաքապետին:
Հոկտեմբերի 27-ին Էդվարդ Նալբանդյանը Լյուքսեմբուրգում կստորագրի Հայաստանի եւ ԵվրոպականՄիության միջեւ «Շարժունակության շուրջ գործընկերության համատեղ հռչակագիրը»: Իսկ հոկտեմբերի 28-ին Էդվարդ Նալբանդյանը աշխատանքային այցով կլինի Բեռլինում:
Փարիզում հոկտեմբերի 29-ին նախարար Նալբանդյանը ելույթ կունենա ՅՈՒՆԵՍԿՈ-ի 33-րդ գլխավոր կոնֆերանսին:
