Մեծ Բրիտանիայի մայրաքաղաք Լոնդոնում երեք ՄԻԱՎ վարակակիրներ մահացել են այն  բանից հետո,  երբ սկսել են  հետեւել ավետարանական քարոզիչների  ցուցումներին,  հրաժարվել են դեղամիջոցներից եւ ապավինել Աստծուն:

NEWSru.com-ը գրում է,  որ երեք կանանց մահվան մեղավորը Նիգերիայում ստեղծված «Synagogue Church of All Nations» կազմակերպությունն է,  որը հիմնավորվել է Հարավային Լոնդոնում: Այդ կրոնական կազմակերպության կայքում տեղադրված են մարդկանց նկարներ, ովքեր իբրեւ թե բժշկվել են ՄԻԱՎ-ՁԻԱՀ-ից հովվի աղոթքների միջոցով:

Մահացածների ընտանիքների անդամները հավաստիացնում են, որ հենց քարոզիչների խորհուրդներից հետո են հիվանդները դադարեցրել դեղամիջոցների ընդունումը: