նախընտրելի դարձնելՋավախքում, այսօր` հոկտեմբերի 22-ին, տեղի է ունեցել Ախալքալակի գարեջրի գործարանի («ԲԱԼԼԻՍ») բացման հանդիսավոր արարողությունը: Միջոցառմանը մասնակցել են Վրաստանի խորհրդարանի նախագահ Դավիթ Բաքրաձեն, խորհրդարանի փոխնախագահ Միխայիլ Մաչավարիանին, Հայաստանի ԱԺ փոխնախագահ, ԲՀԿ փոխնախագահ Սամվել Բալասանյանը, ԱԺ պատգամավորներ Տաճատ Վարդապետյանը, Հայկ Սանոսյանը եւ ուրիշներ:
Դիմելով ներկաներին` Սամվել Բալասանյանը կարեւորել է Ջավախքում աշխատատեղերի ստեղծման անհրաժեշտությունը եւ հայտնել այդ ուղղությամբ ապագայում նախանշված այլ պլանների մասին եւս: Խոսելով սկզբնական շրջանում շուրջ 100 աշխատատեղեր ապահովող գործարանի մասին` Սամվել Բալասանյանը խոստացել է իր հնարավորությունների չափով օժանդակել նորաբաց «ԲԱԼԼԻՍ» գարեջրի գործարանի արտադրանքի սպառմանը, մասնավորապես ցուցաբերել խորհրդատվական եւ այլ բնույթի աջակցություն գործարանի աշխատակազմին: Վրաստանի նախագահ Միխայիլ Սահակաշվիլիի որոշմամբ, Սամվել Բալասանյանը պարգեւատրվել է Վրաստանի Պատվո շքանշանով, ինչը Սամվել Բալասանյանին հանձնել է խորհրդարանի նախագահ Դավիթ Բաքրաձեն:
