նախընտրելի դարձնելՈսկերչական ոլորտը կարող է դառնալ Հայաստանի տնտեսության լոկոմոտիվը: Այս մասին այսօր` հոկտեմբերի 23-ին, Մոսկվայում, լրագրողներին ասաց Հայ ոսկերիչների միության նախագահ Գագիկ Գեւորգյանը:
«Հայկական ոսկերչությունն աշխարհում լավագույնն է: Մեր ձեռնարկությունում այն կազմում է գերակշիռ եւ լավագույն մասը»,- հայտարարել է Գեւորգյանը, ով Մոսկավայում «Էսթետ» ոսկերչական տան սեփականատերն է եւ Երեւանում ունի փոքր ձեռնարկություն:
Ասոցիացիայի վերջին ձեռքբերումներից նա նշեց Հայաստանի անկախության 20-րդ տարեդարձին նվիրված Երեւանում սեպտեմբերի 21-ին բացված ցուցահանդեսը:
Հիշեցնենք, որ Հայ ոսկերիչների ասոցիացիան հիմնադրվել է 1995 թ-ին եւ ներկայումս միավորում է Եվրոպայի, Ասիայի, Ամերիկայի եւ Ավստրալիայի ավելի քան 30 հայազգի ոսկերիչների:
Ասոցիացիան Հայաստանում, ըստ նրա, ունի զարգացման լայնածավալ ծրագրեր: Դրանց իրականացման խթան կարող է լինել Հայստանում ազատ տնտեսական գոտիների ստեղծումը, որպեսզի բոլոր երկրների ոսկերիչները կարողանան Հայաստանում արտադրություն տեղակայել:
Նշենք, որ Հյաստանում 2009 – 2010թ. ոսկերչական արտադրանքի ծավալն ավելացել է 50%-ով եւ անցյալ տարվա կտրվածքով կազմել է 9,6 մլրդ դրամ կամ շուրջ 26 մլն դոլար:
