նախընտրելի դարձնելՄալայզիայում MotoGP-ի Գրան պրի մրցարշավի ժամանակ այսօր` հոկտեմբերի 23 –ին մահացել է իտալացի մրցարշավորդ Մարկո Սիմոնչելին:
Ինչպես հաղորդում է «ՌԻԱ Նովոստին», Սիմոնչելին, ով հանդես է եկել Honda-ով, մրցել է Ալվարո Բաուտիստոյի (Suzuki) հետ չորրորդ տեղի համար, երբ կորցրել է մոտոցիկլի կառավարումը եւ ընկել Կոլին Էդվարդսի (Yamaha) եւ Վալենտինո Ռոսսի (Ducati) ճանապարհին:
Ըստ аutosport.com-ի` 24- ամյա Սիմոնչելին բախումից հետո պառկած է մնացել ճանապարհին: Նրան տեղափոխել են բժշկական կենտրոն, բայց փրկել չի հաջողվել:
Սիմոնչելին MotoGP –ում հանդես է գալիս 2010թ-ից: Երկու մրցաշրջանի ընթացքում նա անցկացրել է 34 արշավ:
