ՆախընտրելիԱմերիկյան Օքլանդ քաղաքում ոստիկաններն սկսել են քաղաքապետարանի դիմացի հրապարկից դուրս բերել վրանները, որտեղ երկու շաբաթ շարունակ բողոքում էին Ուոլլ սթրիթի դեմ, հաղորդում է АР-ին:
Բողոքողներց մեկը` Այիաննա Ջոնսոնը, ում ոստիկանները հանել են վրանից, մեջբերել է ոստիկանների խոսքը. «Մենք ցանկանում ենք, որ ձեզ համար լավ լինի, ահա եւ վերջ»:
Հիշեցնենք, որ «Գրավիր Wall Street»-ը շարժմանն իր աջակցությունն էր հայտնել System of A Down խմբի ղեկավար, երաժիշտ եւ կոմպոզիտոր Սերժ Թանկյանը:
«Գրավիր Wall Street» շարժումն սկսվել է ԱՄՆ-ում, սակայն արդեն հասել է եվրոպական այլ երկրներ: Անցած հանգստյան օրերին ակցիաներ են տեղի ունեցել ինչպես ԱՄՆ-ում, այնպես էլ Մեծ Բրիտանիայում, Իտալիայում, Ավստրալիայում եւ այլ երկրներում:
Տասնյակ հազարավոր մարդկանց բողոքն ուղղված է ֆինանսական ինստիտուտների, հատկապես, բանկերի դեմ: Փողոց դուրս եկածները բանկերին մեղադրում են անարդարության, գերշահույթի ստացման մեջ: Շարժման կողմնակիցներից է նաեւ WikiLeaks -ի հիմնադիր Ջուլիան Ասանժը:
