ՆախընտրելիՈւկրաինայի Օդեսայի մարզի Սարատա բնակավայրում բանկի կողոպտման փորձ է արձանագրվել: Կենսաթոշակային տարիքի մի բնակչուհի գնացել է բանկ, որտեղից սովորաբար թոշակ է ստանում, եւ գանձապետուհուն ներկայացրել է երկտող` պահանջելով 300 հազ. գրիվեն (37,5 հազ. դոլար), հակառակ դեպքում սպառնացել է պայթեցնել ինքնաշեն ռումբը:
Երկտողում նա նշել է, թե ինչ թղթադրամներով կցանկանար ստանալ գումարը: Մի մասը նա պահանջել է հազար գրիվեն անվանական թղթադրամով, որը պարզապես գոյություն չունի: Գանձապետուհին սեղմել է տագնապի ազդանշանը:
Տեսաձայնագրության օգնությամբ հաջողվել է պարզել տատիկի ինքնությունը: Նա իր քայլը բացատրել է «ձմռան համար փայտ եւ ածուխ գնելու համար գումարի բացակայությամբ»: Նրան տեղափոխել են հոգեբուժական կլինիկա` հետազոտության համար: Արարքը զարմացրել է տեղի բնակչությանը, որոնք 61-ամյա կնոջը համարել են խաղաղ ու հանգիստ անձնավորություն, հայտնել է ԻՏԱՌ-ՏԱՍՍ-ը:
