ՆախընտրելիԹուրքիայում, այսօր` հոկտեմբերի 25-ին, ժամը 19.55-ին, Վան քաղաքից 45 կմ դեպի հյուսիս-արեւելք տեղի է ունեցել 5,5 մագնիտուդով երկրաշարժ:
Հայաստանի արտակարգ իրավիճակների նախարարությունից NEWS.am-ին հայտնում են, որ երկրաշարժի հիպոկենտրոնը գտնվում է 10 կմ խորության վրա:
Երկրաշարժի ուժգնությունը էպիկենտրոնային գոտում կազմել է 7-8 բալ:
Երկրաշարժը զգացվել է նաեւ Հայաստանի տարածքում, մասնավորապես Երեւանում` 3-4 բալ ուժգնությամբ:
Երեւանի եւ հարակից բնակավայրերի բնակիչները արագորեն շտապում են լքել իրենց տները եւ դուրս են գալիս փողոց` նոր ցնցումների սպասումով:
Նշենք, որ Թուրքիայում նոր ավերածությունների մասին տեղեկություններ դեռ չկան:
