նախընտրելի դարձնելՀոկտեմբերի 26-ի առավոտյան, ՌԴ Ալթայի երկրամասի Սմոլենսկոյե գյուղի ձեռնարկատեր Վարազդատ Մակարյանն իր տան դարպասին եւ պատերի վրա ֆաշիստական խաչ է նկատել` «Ռուսաստանը ռուսների համար» գրությամբ: Նա արդեն մոտ 20 տարի բնակվում է Ռուսաստանում, զբաղվում է գործարարությամբ, որի հիմնական ուղղությունը հացահատիկի մշակումն ու ստացված բերքի վերամշակումն է: Ձեռնարկությունը կոչվում է «Ալթայի հաց» ընկերություն: Մակարյանը տեղական գործակալությանն ասել է, որ երբեք տեղի բնակչություն հետ ազգային հարցերի հետ կապված ընդհարում չի եղել:
Մակարյանը միայն մեկ վարկած ունի. մի քանի տարի անընդմեջ նրա հարաբերությունները լարված են շրջանային ղեկավարի հետ, եւ ձեռնարկատերը ենթադրում է, որ դա կարող է նրա ձեռքի գործը լինել:
Եթե ենթադրությունը ճիշտ է, ապա շատ զավեշտալի իրավիճակ է ստացվում: Սմոլենսկի շրջանի ղեկավարը` Վլադիմիր Շիտցը, ազգանունից դատելով, գերմանական արմատներ ունի: Ստացվում է, որ գերմանացին պետք է հայի հետ «կիսի» Ռուսաստանը:
Պատմությանը բոլոր մանրամասնություններով հնարավոր է ծանոթանալ Amic.Ru կայքում:
