նախընտրելի դարձնել2011թ. 9 ամսվա ընթացքում Հայաստանի իրավապահ մարմինների կողմից ապօրինի շրջանառությունից հանվել եւ առգրավվել է 107 կգ 840 գրամ թմրամիջոց: Այս մասին NEWS.am –ին հայտնեցին ՀՀ ոստիկանության կազմակերպված հանցավորության դեմ պայքարի վարչությունում:
Համաձայն աղբյուրի` նշված ժամանակահատվածում վարչության եւ ոստիկանություն մյուս ստորաբաժանումների համատեղ օպերտաիվ-որոնողական միջոցառումների արդյունքում ապօրինի շրջանառությունից հանվել եւ առգրավվել են 60.1 գրամ հոգեմետ նյութեր, 673.6մլ քացախաթթվի անհիդրիդ: 2010 թ. նույն ժամանակատվածի ցուցանիշները, համապատասխանաբար, 64.6 գրամ եւ 16240 մլ են:
2011թ. 9 ամիսներին Հայաստանի տարածքում թմրամիջոցների ապօրինի շրջանառության հետ կապված հանցագործությունների համար քրեական պատասխանատվության է ենթարկվել 470 անձ (2010թ. նույն ժամանակահատվածի` 605-ի դիմաց), նրանցից 11-ը կանայք են, 6-ը` անչափահասներ, 16-ը` օտարերկրացիներ: 2010թ-ին եղել են, համապատասխանաբար, 12 կանայք, 2 անչափահասներ եւ 49 օտարերկրացիներ:
ՔՕ 266 հոդվածի հատկանիշներով պատասխանատվության է ենթարկվել 155 անձ` 2010թ. նույն ժամանակահատված 269-ի դիմաց:
