Մեծ Բրիտանիայի արտաքին գործերի նախարար Դևիդ Քեմերոնը Sunday Telegraph-ին տված հարցազրույցում ասել է, որ Իրանը «չափազանց վնասակար ազդեցություն ունի տարածաշրջանում և աշխարհում»:

Քեմերոնը, որն այս շաբաթ այցելել է տարածաշրջան՝ իր եգիպտացի գործընկերոջ հետ քննարկելու Գազայում Իսրայելի պատերազմը, ինչպես նաև Կարմիր ծովում անկայուն իրավիճակը, մեղադրել է  Թեհրանին տարբեր «վստահված անձանց» օգնելու մեջ։

«Իրանը չափազանց վնասակար ազդեցություն ունի տարածաշրջանում և աշխարհում, դրանում կասկած չկա։ Կան հութիներ, կա  «Հեզբոլլահ», կան Իրաքում Իրանի կողմից աջակցվող աշխարհազորայիններ, որոնք, փաստորեն, հարձակվել են բրիտանական և ամերիկյան բազաների և զորքերի վրա: Եվ, իհարկե, ՀԱՄԱՍ-ը։ Այսպիսով, կան այս բոլոր վստահված անձինք, և ես կարծում եմ, որ խիստ կարևոր է, որ, առաջին հերթին, Իրանը հստակ ազդանշան ստանա, որ այս էսկալացիան անթույլատրելի է»,- ասել է Քեմերոնը:

Ըստ նրա, Լոնդոնը Թեհրանի հարցով կընդլայնի համագործակցությունը իր դաշնակիցների հետ։

«Մենք պետք է աշխատենք մեր դաշնակիցների հետ՝ Իրանի դեմ զսպող միջոցների իրապես ուժեղ փաթեթ մշակելու համար, և կարևոր է, որ մենք դա անենք: Աշխարհում վտանգի և անպաշտպանվածության  մակարդակը նախորդ տարիների և տասնամյակների համեմատ չափազանց բարձր է, և իրանական սպառնալիքն այս պատկերի մի մասն է»,- հավելել է Մեծ Բրիտանիայի արտգործնախարարը։