նախընտրելի դարձնել«Դոկտոր Մահին»` բժիշկ Ջեք Գեւորգյանին պատկանող ինքնասպանության մեքենան հանվել է աճուրդից, քանի որ նրա համար բավականչափ բարձր գումար չի առաջարկվել, գրում է բրիտանկան «The Daily Mail»-ը:
Նրա տասնյոթ նկարները եւս չեն գտել իրենց գնորդներին:
Արվեստի ստեղծագործությունները, ինչպես նաեւ այն նկարը, որը դոկտոր Գեւորգյանը նկարել էր իր արյամբ, եւ մոտ 100 անձնական իրերը վաճառքի էին հանվել Նյու Յորքի տեխնոլոգիական ինստիտուտում: 17 նկարները գնահատվել էին 2,5–3,5 մլն դոլար:
Աշխատանքների բնօրինակների փոխարեն ներկայացվել էին դրանց պատկերները, քանի որ Հայկական գրադարանը եւ Ամերիկայի թանգարանը հրաժարվել էին տալ այդ գործերը:
Ինքնասպանության մեքենան գնահատվել է 100–200 հազ. դոլար, բայց աճուրդում ամենաբարձրը 65 հազ. դոլար է առաջարկվել:
Նշենք, որ դոկտոր Գեւորգյանը դեբատներ էր հրավիրել մահվան իրավունքի վերաբերյալ: Ինքնասպանության համար նրա ինքնաշեն մեքենան, որը հայտնի է որպես տանատրոն, օգնել է մահանալ 130 անբուժելի հիվանդի:
Հայկական գրադարանը եւ Ուոթերթաունում Ամերիկայի թանգարանը հայտարարել են, որ նկարներն իրենց է նվիրել հենց բժիշկը: Նրանց փաստաբան Հարոլդ Փոթերի խոսքով, թանգարանը ենթադրում է, որ նկարների սեփականատերն է, եւ դրանք կմնան իրենց տեղում, քանի դեռ Բոստոնի թանգարանի հետ վեճը չի լուծվել: Երկու կողմերն էլ դատական հայց են ներկայացրել:
Նկարների մեծ մասը մահ է պատկերում: «Ցեղասպանություն» կոչվող աշխատանքում արյունոտ գլուխ է պատկերված, որի մազերից բռնել են երկու զինվոր` մեկը Երկրորդ համաշխարահայինի ժամանակի գերմանցի զինվորի համազգեստով է, մյուսը` Առաջին համաշխարհայինի թուրք զինվորի համազգեստով: Բժիշկ Գեւորգայնը գլուխը նկարել է` օգտագործելով իր արյունը:
