նախընտրելի դարձնելԱրեւմուտքի միջամտությունը Սիրիայի ներքին գործերին կարող է Մերձավոր Արեւելքում «երկրաշարժ» առաջացնել: Այս մասին բրիտանական The Sunday Telegraph պարբերականին տված հարցազրույցում ասել է Սիրիայի նախագահ Բաշար ալ Ասադը:
Նախագահը, մասնավորապես, նշել է, որ արեւմտյան պետությունները շարունակում են ճնշումն իր երկրի վրա: «Սիրիան բոլոր առումներով տարբերվում է Եգիպտոսից, Թունիսից եւ Եմենից: Մենք այլ պատմություն, այլ քաղաքականություն ունենք: Սիրիան տարածաշրջանի կենտրոնն է, այտեղով է անցնում ցեղի բեկման գիծը, դրա հետ խաղալու դեպքում կարելի է երկրաշարժ առաջացնել»,-հայտարարել է նա:
Ասադի կարծիքով` իր երկրի նկատմամբ «լիբիական սցենարի» կրկնությունը կարող է շատ ծանր հետեւանքներ ունենալ: «Դուք ցանկանում եք եւս մեկ Աֆղանստան տեսնել: Սիրիայում ցանկացած խնդիր հրդեհ կառաջացնի ողջ տարածաշրջանում: Եւ եթե գոյություն ունեն Սիրիայի պառակտման ծրագրեր, ապա կքանդվի ողջ տարածաշրջանը»,-ասել է Սիրիայի նախագահը:
