Նախընտրելի2008 - 11 թթ. Հայաստանում կառուցվել է 56 փոքր ՀԷԿ` մոտ 45 մլն դոլար արժեքով: Այդ մասին այսօր հայտարարեց Հայաստանի էներգետիկայի նախարար Արմեն Մովսիսյանը` ՀՀԿ տնտեսական համաժողովի ընթացքում: Ներկայումս հանրապետությունում գործում է 110 փոքր ՀԷԿ` ընդհանուր 147 ՄՎտ հզորությամբ: Կառուցման թույլտվություն է տրվել եւս 74 փոքր ՀԷԿ-ի համար` ընդհանուր 140ՄՎտ հզորությամբ:
Նշենք, որ Հայաստնի օրենսդրության համաձայն` փոքր է համարվում մինչեւ 10 ՄՎտ հզորություն ունեցող ՀԷԿ-ը: 2010թ. հունվար- փետրվարի տվյալներով` հանրապետությունում արտադրված էլկեկտրաէներգիայի ընդհանուր ծավալում ՀԷԿ-երի մասնաբաժինը կազմել է մոտ 21%, դրանից փոքր ՀԷԿ-երին բաժին է ընկնում 5%-ը: 2020թ-ին կառավարությունը նախատեսում է այդ ցուցանիշը հասցնել 10%-ի:
