նախընտրելի դարձնելՈրեւէ նորություն այս գործընթացում չկա, մենք գարնանից խոսում ենք այն մասին, որ «Գոյ» թատրոնի գոյությունը որպես առանձին ՊԵԱԿ չենք պատկերացնում, այլ պատկերացնում ենք առանձին ստեղծագործական միավոր Սունդուկյանի անվան թատրոնի կազմում: Այս մասին այսօր՝ դեկտեմբերի 27-ին, տարեվերջյան մամուլի ասուլիսում նշեց ԿԳՄՍ նախարար Ժաննա Անդրեասյանը:
«Կառավարության համապատասխան որոշումներն ընդունված են, ժամանակավոր պաշտոնակատարը որեւէ բան հետին ամսաթվով չպետք է ստորագրեր, սա նույնպես տարրական իրավական չիմացության հետեւանք է, որ պարտադիր փաստաթղթերի փաթեթում է նաեւ, այսպես կոչված, փոխանցման ակտը, որը ստորագրվում է կոնկրետ ամսաթվով եւ կոնկրետ ժամկետում: Խոսքը վերաբերել է փոխանցման ակտիօ ստորագրմանը, որը ընթացակարգերով կարգավորված է: Ամեն ինչ տեղի է ունեցել օրենսդրության համապատասխան»,-ասաց նախարարը:
Ժաննա Անդրեասյանը ընդգծեց, որ «Գոյ» թատրոնի տնօրենի ժամանակավոր պաշտոնակատարը փոխարինվել է, որովհետեւ չի իրականացրել կառավարության որոշմամբ սահմանված պահանջները, այսինքն չի իրականացրել իր պարտականությունները. «Դա եղել է պատճառ, որ իրեն փոխարինենք եւ այնտեղ ունենանք մարդ, որը ավարտին կհասցնի գործընթացը:
Աշխատակիցներին հիմնականում հետաքրքրել է իրենց ստեղծագործական եւ մասնագիտական աշխատանքի շարունակությունը, փոխնախարարը պարզաբանել է, որ ի սկզբանե էլ չկար հարց իրենց աշխատանքի շարունակության մասին: Իրենք շարունակելու են իրենց աշխատանքը: Խոսքն այստեղ աշխատանքի ձեւաչափի մասին է: Հնչել են հարցեր խաղացանկի վերաբերյալ: Ես կարծում եմ՝ ավելի քան պարզ ասացի, որ մենք հակառակը, գնում ենք մշակութային հստատությունների ինքնավարության մեծացման եւ իրենք իրենց խաղացանկը, իրենց ներկայացումները խաղալու Սունդուկյան թատրոնի բեմերում»,- ընդգծեց Անդրեասյանը:
