Նախընտրելի
Առնվազն 73 մարդ է զոհվել և 171-ը վիրավորվել չորեքշաբթի օրը Իրանի կենտրոնական Քերման քաղաքում տեղի ունեցած երկու ահաբեկչական պայթյունների հետևանքով, հայտնում է Mehr-ը՝ վկայաբերելով Իրանի շտապօգնության ծառայության վերջին տվյալները։
Միջադեպը տեղի է ունեցել Քերմանի նահատակների գերեզմանատանը, որտեղ հազարավոր մարդիկ ոգեկոչում էին գեներալ-լեյտենանտ Ղասեմ Սոլեյմանիի մահվան չորրորդ տարելիցը։
Պայթյունից անմիջապես հետո դեպքի վայր են ուղարկվել փրկարար խմբեր՝ տուժածներին օգնելու համար։
Նահանգի որոշ պաշտոնյաներ միջադեպը որակել են ահաբեկչական գործողություն:
Վերջին տեղեկությունների համաձայն, ամբոխի մեջ պայթել է ռումբեր պարունակող երկու պայուսակ։
Անվտանգության ծառայության և իրավապահ մարմինների աշխատակիցները պարզում են դեպքի հանգամանքները։
