Լոնդոնի բնագիտական պատմության թանգարանի եւ Լիդսի համալսարանի գիտնականները  գտել են  ժամանակակից օսեդաքս (լատ. Osedax` «ոսկորակեր») ճիճուների նախնիների հետքեր:  Անսովոր կենսակերպի պատճառով այդ ճիճուները  կոչվում են նաեւ «զոմբիներ»: Իրենց աշխատանքը գիտնականները հրապարկել են «Historical Biology» ամսագրում,  իսկ կարճ բովանդակության հետ հնարավոր է ծանոթանալ Լոնդոնի թանգարանի կայքում:

Օգտագործելով համակարգչային տոմոգրաֆիան`  հետազոտվել են 3 մլն տարեկան բրածո կետի ոսկորների անցքերը: Հետազոտության արդյունքում  ստացվել է ոսկորներում անցքերի եռաչափ կառուցվածքը` անհավանական ճշգրտությամբ: Հայտնագործությունը  կարող է բացատրել ոսկորների ոչնչացման պրոցեսում հանգույն ճիճուների համապատասխան դերը: