Նախընտրելի
Չգիտեմ՝ Ադրբեջանը պատրա՞ստ է Ռուսաստանում խաղաղության պայմանագիր կնքել: Այս մասին հունվարի 23-ին լրագրողների հետ հանդիպման ժամանակ հայտարարեց Հայաստանի արտգործնախարար Արարատ Միրզոյանը։
«Նման հավաստիացումներ ադրբեջանական կողմից չեն հնչել ոչ փակ հանդիպումների ժամանակ, ոչ հրապարակավ։ Եթե Լավրովը նման հայտարարություն է անում, ապա ենթադրում եմ՝ ինքը նման հիմքեր ունի»,- նշեց նա։
Միրզոյանը հավելեց, որ այն միջնորդությունը, որի մասին վերջերս խոսվում է, տարբերվում է այն միջնորդությունից, որը հայ հասարակությունը հասկանում է, երբ ԵԱՀԿ Մինսկի խմբի համանախագահները առաջարկներ են ներկայացրել կողմերին։
Նա բացատրեց, որ խոսքը հանդիպումներ կազմակերպելու մասին է։
