ՆախընտրելիԱՄՆ Կոնգրեսի Ներկայացուցիչների պալատի արտաքին գործերի կոմիտեն նոյեմբերի 2-ին հավանություն է տվել Իրանի դեմ պատժամիջոցների փաթեթին: Նշենք, որ որոշումն ընդունվել էր այն բանից հետո, երբ ԱՄՆ-ն Իրանին մեղադրել էր դավադրության մեջ, որով իբրեւ թե նախատեսվում էր սպանել Վաշինգտոնում Սաուդյան Արաբիայի դեսպանին: Թեհրանը կտրականապես ժխտել էր այդ մեղադրանքները` անվանելով դրանք վատ կազմակերպված քաղաքական շոու, ներկայացված ԱՄՆ-ի կողմից, որպեսզի պառակտի իսլամականհամայնքը եւ թուլացնի տարածաշրջանում Իրանի աճող ազդեցությունը:
ԱՄՆ պատժամիջոցների նոր փաթեթը ուղղված է իրանական ֆինանսական շահերի դեմ, այդ թվում` նավթային ոլորտում, ինչպես նաեւ ատոմային ծրագրի դեմ:Մասնավորապես, նոր պատժամիջոցները արգելում են իրանական նավթագազային սեկտորի հետ կապ ունեցող որեւէ անձի ամերիկյան վիզա տրամադրելը:
Ինչպես ավելի վաղ հայտնել էինք, նախօրեին Իրանի այաթոլլահի առաջնորդ Ալի Համենեին հայտարարել էր, որ ԱՄՆ-ն այսօր «աշխարհի ամենախոշոր ահաբեկիչն է: Նրա խոսքով` Իրանը «հարյուրավոր փաստաթղթեր ունի, որոնք վկայում են ԱՄՆ ահաբեկչական էությունը եւ նրանց մասնակցությունը ահաբեկչական գործողություններին» ինչպես Իսլամական Հանրապետութոյւնում, այնպես էլ Մերձավոր եւ Միջին Արեւելքում: Այդ փաստաթղթերը Ամերիկայի երեսից դեն կնետեն մարդու իրավունքների պաշտպանի եւ ահաբեկչության դեմ պայքարողի քողը», - նշեց իրանցի ղեկավարը:
