Նախընտրելի
Իրանի նախագահ Էբրահիմ Ռայիսին բարձր է գնահատել տեղական արտադրության արբանյակների արձակումները՝ որպես առավելություն, որը խանգարել է երկրի մեկուսացման թշնամական պլաններին, տեղեկացրել է Tasnim-ը։
Շաբաթ օրը Թեհրանում ելույթ ունենալով Տիեզերական տեխնոլոգիաների ազգային օրվա առիթով՝ Ռայիսին ասել է, որ 11 արբանյակների հաջող արձակումները իր նախագահության ընթացքում թույլ են տվել հաղթահարել պատժամիջոցները եւ խափանել Իրանի մեկուսացման պլանները։
Իրանը մտել է աշխարհի առաջատար երկրների տասնյակ աերոտիեզերական տեխնոլոգիաների գծով, ավելացրել է նա։
Ռայիսին նշել է, որ Իրանն օգտագործում է տիեզերական տեխնոլոգիաները տարբեր ճյուղերում, ներառյալ գյուղատնտեսությունը, ջրային եւ բնական պաշարների կառավարումը, օգտակար հանածոների հանքավայրերի հայտնաբերումը եւ սահմանների անվտանգության ապահովումը։
Անցած շաբաթ Իրանը երկրամերձ ուղեծիր է ուղարկել «Mahda» հետազոտական արբանյակը երկու հետազոտական բեռների հետ միասին՝ համապատասխանաբար 450 եւ 1 100 կիլոմետր նվազագույն եւ առավելագույն բարձրությամբ։
Դրանք տիեզերք են ուղարկվել «Simorgh» հայրենական կրիչ արբանյակի օգնությամբ։
Simorgh-ը երկաստիճան հրթիռ է, որն աշխատում է հեղուկ վառելիքով։ Նրա տրամագիծը 2,4 մետր է, իսկ մեկնարկային զանգվածը՝ 80 տոննա։ Այդ կրիչի առաջին սերունդը կարող էր ուղեծիր դուրս բերել մինչեւ 100 կիլոգրամ քաշով կապի եւ զոնդավորման արբանյակներ Երկրից մոտ 500 կիլոմետր բարձրության վրա։
