ՆախընտրելիՄոսկվայում բժշկակենսաբանական խնդիրների ինստիտուտում հաջողությամբ ավարվել է գիտափորձը, որի ժամանակ նմանակվել է դեպի Մարս ուղեւորությունը. մարսագնացները «հաջողությամբ երկիր են վերադարձել»:
Ինչպես հաղորդում է «Վեստին», գիտափորձը մեկնարկել է 2007թ-ին եւ երեք փուլ է ներառել` 14, 105 եւ 520 օր կատարյալ մեկուսացում հատուկ նմանեցված միջմոլորակային նավ- մոդուլներում: Փորձարկողների դերում տարբեր փուլերում հանդես է եկել տարբեր երկրներից ժամանած 18 մարդ:
Միաժամանակ տիեզերագնացները հասցրել են ոչ միայն թռչել Մարս եւ վերադառնալ, այլ նաեւ ամուսնանալ: Երկրորդ փուլի ավարտից հետո միանգամից երեք մարսագնացներ հարսանիք են արել: Առաջինը եղել է ֆրանսիացի Սիրիլ Ֆուրեն, ով անձնակազմի բոլոր անդամներին հրավիրել է Փարիզ:
Նախագծի նպատակը եղել է երկար ժամանակ մեկուսացված վիճակում գտնվող անձնակազմի աշխատունակության եւ առողջական վիճակի վերաբերյալ փորձագիտական տվյալների ստացումը:
Անցկացվել է նաեւ կենդանի օրգանիզմների վրա տիեզերական ճառագայթման ազդեցության հետազոտություն, քանի որ հենց ճառագայթումը կարող է վտանգ ներկայացնել դեպի Մարս թռիչքի ժամանակ:
