նախընտրելի դարձնելՊակիստանի դատախազությունն այսօր` նոյեմբերի 5 -ին մեղադրանք է ներկայացրել երկրի նախկին վարչապետ Բենազիր Բհուտոյի սպանության մեջ կասկածվող 7 անձանց: Դատական նիստն անցկացվել է դռնփակ:
Ինչպես հաղորդում է ԻՏԱՌ-ՏԱՍՍ-ը, մեղադրյալների մեջ են 5 գրոհայիններ եւ ոստիկանության երկու աշխատակից:
Մեղադրյալներից մեկը` Սաուդ Ազիզը 2007 թ. եղել է Ռավալպինդի քաղաքի ոստիկանապետը: Մյուս ոստիկանը բարձր պաշտոն է զբաղեցերել Պակիստանի անվտանգության ծառայությունում:
Հիշեցնենք, որ Պակիստանի ընդդիմադիր Ժողովրդական կուսակցության առաջնորդ, նախկին վարչապետ Բենազիր Բհուտոն սպանվել էր 2007 թ. տեղի ունեցած ահաբեկչության արդյուքնում: Այդ ժամանակ ընդդիմությունը մահափորձի մեջ մեղադրել էր հատուկ ծառայություններին:
