ՆախընտրելիԿարմիր ծովում այսօր` նոյեմբերի 7-ին խորտակվել է վթարային «Պելլա» լաստանավը: Պատճառը եղել է նավի վրա նոյեմբերի 3-ին բռնկված հրդեհը:
Ինչպես փոխանցում է Lenta.ru-ն, նավը խորտակվել է միջազգային ջրերում, 750մ խորության վրա: Ավելի վաղ Arab Bridge Maritime ընկերության ներկայացուցիչը հայտարարել էր, որ հրդեհը չէր վնասել նավի իրանը եւ նրան խորտակում չէր սպառնում:
«ՌԻԱ Նովոստին» նշում է, որ Եգիպտոսի եւ Հորդանանի բնապահպաններին մտահոգում են էկոլոգիական հետեւանքները, քանի որ հայտնի չէ, հրդեհի ժամանակ արդյոք այրվել է նավի վրա գտնվող վառելիքը (85 տոննա, որից 25 տոննան` դիզելայն վառելիք):
«Պելլա» լաստանավի վրա գտնվել էր ավելի քան 1200 մարդ, զոհվել էր միայն մեկ հոգի:
