նախընտրելի դարձնել
Ռուսաստանի արտգործնախարար Սերգեյ Լավրովը Անթալիայի Դիվանագիտական ֆորումի շրջանակում հանդիպում է անցկացնում Ադրբեջանի արտգործնախարար Ջեյհուն Բայրամովի հետ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ռուս-ադրբեջանական բանակցություններ՝ Թուրքիայում»,- գրել է դիվանագետը Telegram-ի ալիքում՝ գրառումն ուղեկցելով լուսանկարով։
Բանակցություններն ընթանում են մամուլի համար փակ ձևաչափով։ Միջոցառման շրջանակում ՌԴ ԱԳ նախարարն արդեն հանդիպել է իր թուրք գործընկեր Հաքան Ֆիդանի հետ։
