նախընտրելի դարձնել
Եվգենի Պրիգոժինի որդին՝ Պավելը, որոշել է լուծարել RTG Development ընկերությունը, որի ներկայացուցիչները նախատեսում էին ՏՏ կլաստեր ստեղծել Սանկտ Պետերբուրգում՝ Ֆիննական ծոցի մոտակայքում։ Այս մասին հայտնում է Daily Storm Telegram ալիքը։
Պրիգոժինի որդուն պատկանող RTG Development-ը «Megaline» ընկերությունների խմբի մասն է կազմում, որը պատկանում էր նրա հորը։
«Megaline» ընկերության հետ «Գորսկայա» արդյունաբերական գոտու վերակառուցման մասին պայմանագիրը կնքվել է 2021 թվականին Սանկտ Պետերբուրգի միջազգային տնտեսական ֆորումում (SPIEF)։ Նշվում է, որ հետագայում 140 հա տարածքում պետք է հայտնվեին պահեստարաններ։ Բացի այդ, նախատեսվում էր տարածքում ստեղծել ՏՏ կլաստեր և զբոսաշրջային ենթակառուցվածքներ։
RTG Development-ը դիմել էր այս նախագծում ռազմավարական գործընկերոջ կարգավիճակ ստանալու համար, սակայն քաղաքային իշխանությունները մերժել էին այն և SPIEF 2022-ի ընթացքում պայմանագիր կնքել ևս երկու ընկերությունների՝ Tourism.RF կորպորացիայի և Սանկտ Պետերբուրգի զբոսանավերի ակումբի հետ: Եվգենի Պրիգոժինը խոստացել էր «պայքարել դատարաններում մինչև վերջ»։
