նախընտրելի դարձնել
Հայաստանի իշխանությունները փորձում են դուրս մղել Ռուսաստանին և երկիրը վերածել թուրքական վիլայեթի։ NEWS.am-ի թղթակցի հետ զրույցում նման կարծիք է հայտնել արդարադատության գեներալ-մայոր Թաթուլ Պետրոսյանը։
Նա նշել է, որ Հայաստանի իշխանություններն ամեն ինչ անում են Արեւմուտքի խամաճիկը դառնալու համար, մինչդեռ վերջինի համար, կարծում է, Թուրքիան վճռորոշ դեր է խաղում տարածաշրջանում։
«Հենց ռուս սահմանապահները հեռանան Հայաստանից, թուրքերը կասեն, որ պետք է նոր սահման գծել, քանի որ չկա Խորհրդային Միություն, հետևաբար չկան Հայաստանի նախկին սահմանները։ Փաշինյանն ասում է, որ դեռևս չկան սահմանազատման քարտեզներ: Ամեն դեպքի համար հիմք են ընդունելու ադրբեջանցիներին հարմար քարտեզ»,- նշել է գեներալ-մայորը։
Պետրոսյանն ընդգծել է, որ Հայաստանի շուրջ ներկա գործընթացները կարող են հանգեցնել վտանգավոր հետեւանքների:
«Սա կասեցնելու համար պետք է միավորել իշխանության հակառակորդների ջանքերը և հեռացնել նրանց։ Ժամանակ չունենք»,- հավելել է Թաթուլ Պետրոսյանը։
