նախընտրելի դարձնելԹուրքիայի Վանի նահանգում նոյեմբերի 9-ին տեղի ունեցած 5,6 մագնիտուդով երկրաշարժի զոհերի թիվը հասել է 10 մարդու:
Ինչպես հաղորդում են թուրքական ԶԼՄ-ները` վկայակոչելով Թուրքիայի արտակարգ իրավիճակների վարչությանը, տվյալ պահին փլատակների տակից կենդանի դուրս է բերվել 27 մարդ:
Ընդհանուր առմամբ Վանում ստորերկրյա ցնցումների արդյունքում ավերվել է 25 շենք, այդ թվում` «Բայրամ» եւ «Ասլան» հյուրանոցները, որտեղ գտնվել են լրագրողներ եւ Կարմիր մահիկի ներկայացուցիչներ: Նշվում է, որ փլատակների տակ է մնացել 100 մարդ:
Հիշեցնենք, որ հոկտեմբերի 23-ին դարձյալ Վանի նահանգում տեղի էր ունեցել 7,2 մագնիտուդով երկրաշարժ, որի հետեւանքով զոհվել էր 604, վիրավորվել ավելի քան 4 հազ. մարդ:
