նախընտրելի դարձնելՆԱՏՕ-ին Վրաստանի վերջնական անդամակցության ժամկետների մասին խոսելը դեռ վաղ է, սակայն գործընթացը դրական դինամիկա ունի եւ շարժվում է դեպի տրամաբանական ավարտ: NEWS.am-ի թղթակցի հետ զրույցում նման կարծիք հայտնեց վրացի փորձագետ, քաղաքագետ Զուրաբ Աբաշիձեն: Նրա խոսքով` վերջին շրջանում Վրաստանի անդամակցությունը Հյուսիսատլանտյան դաշինքին ավելի է մոտենում:
«ՆԱՏՕ-ի փաստաթղթերում` սկսած Բուդապեշտի գագաթնաժողովից, գոյություն ունեն Վրաստանի անդամակցությունը նախատեսող ձեւակերպումներ»,- ընդգծեց Աբաշիջեն` ավելացնելով, որ դատելով այն բանակցություններից, որոնք տեղի ունեցան Վրաստանում ՆԱՏՕ-ի գլխավոր քարտուղար Անդերս Ֆոգ Ռասմուսենի այցի շրջանակում, Վրաստանի եւ ՆԱՏՕ-ի հարաբերություններն այսօր բարձր մակարդակի վրա են:
«Իհարկե, ՆԱՏՕ-ին Վրաստանի անդամակցությունը բավականին երկարատեւ գործընթաց է: Սակայն հաջորդ տարի տեղի կունենա ՆԱՏՕ-ի գագթնաժողովը, որում շատ հավանակն է, որ կարվեն կոնկերտ քայլեր այդ ուղղությամբ»,-ասաց զրուցակիցը:
Ինչ վերաբերում է այդ հարցի վերաբերյալ Ռուսաստանի դիրքորոշմանը եւ նրա կողմից հնարավոր գործողություններին, Աբաշիձեն լավատեսորեն է տրամադրված: «Կրեմլը բացասաբար է վերաբերվում Վրաստանի` ՆԱՏՕ-ին անդամակցելու ձգտմանը` համարելով դա որպես Դաշինքի ընդլայնում եւ «մերձեցում Ռուսաստանին»: Սակայն այսօր Ռուաստանը եւս լավ հարաբերություններ ունի Դաշինքի հետ, ստեղծված է Ռուսաստան- ՆԱՏՕ խորհուրդ, տարբեր ուղղություններով համագործակցություն է իրականացվում: Այդ հակակշիռը հաշվի առնելով` հակված եմ կարծել, որ Ռուսաստանի վերբերմունքն ընդհանուր առմամբ չի փոխվի, սակայն կտրուկ շարժումներ Մոսկվան իրեն թույլ չի տա»,- ընդգծեց քաղաքագետը:
