նախընտրելի դարձնելApple ընկերությունը հետ է կանչում iPod nano առաջին սերնդի ձայնարկիչները, քանի որ դրանց մարտկոցներում թերություն է հայտնաբերվել:
Ըստ ընկերության կայքի` մարտկոցը երբեմն կարող է տաքանալ, ինչը սպառնում է օգտագործողի անվտանգությանը: Ընկերությունը ամբողջ աշխարհի iPod nano-ի սեփականատերերին առաջարկում է հին ձայնարկիչը փոխարինել նորով:
Փոխարինման ենթակա են 2005թ. սեպտեմբերից 2006թ. դեկտեմբեր ընկած ժամանակահատվածում վաճառված ձայնարկիչները: Ձայնարկչի սեփականատերերը կարող են դրա փոխարինման ենթակա լինելը ստուգել ընկերության կայքում, դրա համար նախատեսված պատուհանում մուտքագրելով ձայնարկչի սերիական համարը:
Միեւնույն ժամանակ, Apple-ը հնարավոր թերությունների մեղավոր է համարում մարտկոցները մատակարարողին:
iPod nano ձայնարկիչների առաջին սերունդը ներկայացվել է 2005թ.: Այն փոխարինման եկավ iPod mini-ին, որը վաճառվում էր 2004-2005թթ.: 2010թ. արտադրվեցին iPod nano-ի վեցերորդ սերնդի ձայնարկիչները` սենսորային էկրանով, գրում է Lenta.ru-ն:
