ՆախընտրելիԿարմրամեջք ավստրալական սարդը նախանձելի պարբերականությամբ հայտնվում է Մեծ Բրիտանիայում, գրում են տեղի թերթերը: Արտահայտիչ տեսքով սարդանմանները, «սեւ այրիի» մոտ բարեկամները, աշխարհի ամենավտանգավոր միջատներից են: Վերջերս դրանք հայտնաբերվել են Մեծ Բրիտանիայի տարբեր հատվածներում, հաղորդում է MIGnews.com-ը:
Ավստրալական «խելագար մրջյունները», որոնք այդպես են կոչվել, քանի որ զիգզագով են վազում եւ ունակ են ցավոտ խայթել, նույնպես թափանցել են Անգլիա:
«Դրանք երկիր են թափանցում ներկրվող ապրանքների հետ եւ տուրիստների ուղեբեռների մեջ»,- գրում է Sun թերթը:
Տասնյակ կարմրամեջք սարդեր հայտնաբերվել են Անգլիայի հյուսիս-արեւմուտքում գտնվող Փրեսթոնի գործարանում:
Թերթը հատուկ տեղեկություն է հրապարակում այն մասին, թե ինչպիսի տեսք ունեն այդ վտանգավոր միջատները. «Աննշան սարդ` մեջքին կարմին շերտ. նրա խայթոցը սուր ցավ, սրտխառնուք, կրծքի շրջանում ցավ, տենդ է առաջացնում, ինչը երկրում արդեն 14 մահվան դեպքի պատճառ է դարձել»:
