նախընտրելի դարձնելԱռաջին անգամ հնարավոր է եղել լաբորատորիայում արհեստականորեն ստեղծված արյան կարմիր բջիջները ներարկել մարդուն: Սա արհեստական արյուն ստանալու ճանապարհին առաջին քայլն է: Ֆրանսիայի Պիեռ եւ Մարի Կյուրիների համալսարանի աշխատակից Լուկ Դուեին գործընկերների հետ հաջողվել է կամավորների ոսկրածուծից անջատել արյունաստեղծ ցողունային բջիջները, փոխանցում է «Ռուսաստանի ձայնը»:
Արհեստականորն ստեղծված բջիջները հատուկ նշվել են, որից հետո 10 մլրդ բջիջ (մոտ 2մլ արյուն) են ներարկել մարդկային օրգանիզմ:
Հինգ օր անց բջիջների 94-100%-ը շարունակել է գոյություն ունենալ օրգանիզմում: Իսկ 26 օր անց մնացել է միայն 41-63%-ը: Նման կենսունակությունը լիովին համադրելի է արյան սովորական կարմիր բջիջների կենսունակության հետ, հաղորդում է New Scientist-ը:
Բացի այդ, արհեստական բջիջներն անվտանգ են (չարորակ բջիջների չեն վերածվում): Փորձարկման ընթացքում ստացված տվյալները թույլ են տալիս հուսալ, որ ապագայում մարդկությունը անսահամանափակ քանակությամբ արյուն ստանալու տեխնոլոգիա կունենա:
