Իրանի արտգործնախարարի պաշտոնակատար Ալի Բաղերի Կանին հայտնել է, որ հեռախոսազրույց է ստացել իր ռուս գործընկեր Սերգեյ Լավրովից։

«Շարունակելով դիվանագիտական ​​հանդիպումներն ու շփումները, ես հեռախոսազանգ ստացա իմ ռուս գործընկեր Սերգեյ Լավրովից, և մենք միասին վերանայեցինք երկկողմ և բազմակողմ ծրագրերը», - իր միկրոբլոգում նշել է Բաղերի Կանին:

«Երկկողմ, տարածաշրջանային և միջազգային փոխադարձ համագործակցությունը զարգանում է։ Բազմակողմ հարաբերությունների ուղին Իրանի և Ռուսաստանի ռազմավարական ընտրությունն է՝ ձևավորել արդար աշխարհ, որտեղ յուրաքանչյուր մասնակից հնարավորություն կունենա իր դերը կատարել՝ կախված իր հնարավորություններից»,- հավելել է նա։