նախընտրելի դարձնելՌուսաստանի եւ ԱՄՆ-ի միջեւ մուտքի արտոնագրային ռեժիմի դյուրացման վերաբերյալ համաձայնագրի կնքումը պատմական իրադարձություն է: Այդ մասին հայտարարել է ԱՄՆ պետքարտուղար Հիլարի Քլինթոնը` ավելացնելով, որ տվյալ փաստաթուղթը դյուրացնում է երկու երկրների քաղաքացիների տեղաշարժը եւ ամրապնդում երկու ժողովուրդների կապերը:
«Այդ փաստաթուղթը բխում է մեծաթիվ ռուսաստանցիների եւ ամերիկացիների` գործարարների ու զբոսաշրջիկների շահերից»,-նշված է փաստաթղթում:
Ըստ ԻՏԱՌ-ՏԱՍՍ-ի` նշվում է, որ «Համաձայնագիրը դյուրացնում է մուտքի արտոնագրի տրամադրման գործընթացը, քանի որ նվազեցնում է պահանջվող փաստաթղթերի ծավալը»:
Հիշեցնենք, որ Ռուսաստանն ու ԱՄՆ-ը մուտքի արտոնագրային ռեժիմի դյուրացման վերաբերյալ նոտաներ էին փոխանակել նոյեմբերի 19-ին`ռուս-ամերիկյան համապատասխան համաձայնագրի կնքման կապակցությամբ:
