նախընտրելի դարձնել
Պաղեստինցիներն «Ալ-Աքսա փոթորիկ» գործողությունը կյանքի կոչելով՝ փակուղու առաջ են կանգնեցրել սիոնիստական ռեժիմին, հենց դրա պատճառով էլ նրանք այլ ելք չունեն։ Գործողությունն ուղղակի խորտակել է հակառակորդի ծրագրերը։ Դրա մասին հայտարարել է Իրանի գերագույն առաջնորդ այաթոլլա Ալի Խամենեին:
Ըստ իրանական ԻՐՆԱ գործակալության՝ Խամենեին ընդգծել է, որ այդ գործողությունը վճռական հարված է հասցրել սիոնիստական ռեժիմին, և այդ ռեժիմն այս հարվածի արդյունքում հայտնվել է այնպիսի հանգամանքներում, որոնցից մինչև օրս չի կարողանում ուշքի գալ։
Հեղափոխության գերագույն առաջնորդը հավելել է, որ հոկտեմբերի 7-ի գործողությունը տապալել է հակառակորդի հանգամանալից մշակված ծրագիրը։ Ըստ այաթոլլայի՝ սիոնիստական ռեժիմի դաժան հարձակումը նյարդային արձագանք է իրենց ծրագրի ձախողմանը։ Նա նշել է, որ պաղեստինցի հրամանատարները խափանել են Մերձավոր Արևելքի համար միջազգային խոշոր դավադրությունը:
«Դուք չպետք է ապավինեք խաղաղ բանակցություններին: Սիոնիստական ռեժիմը մոտենում է իր մայրամուտին, և մարդիկ ամբողջ աշխարհում դա տեսնում են», - հավելել է Խամենեին:
