նախընտրելի դարձնելՄիջազգային տիեզերակայանի անձնակազմը, որը 167 օրից ավելի մնացել է տիեզերքում, նոյեմբերի 22-ին բարեհաջող վայրէջք է կատարել ղազախստանյան անապատում: Տիեզերագնացներին տարհանել են տիեզերանավից: Անձնակազմի անդամներ Սերգեյ Վոլկովը, Մայքլ Ֆոսսումը, Սատոսի Ֆուրուկավան իրենց լավ են զգում:
Նրանք նախնական բժշկական հետազոտության կենթարկվեն շարժական հիվանդանոցում, ինչից հետո նրանց Կուստանայ կտեղափոխեն: Այնտեղից ռուս տիեզերագնաց Սերգեյ Վոլկովը կթռչի Չկալովսկի օդանավակայան: ՆԱՍԱ-ի տիեզերագնաց Մայքլ Ֆոսսումը եւ ճապոնական ՋԱԿԱՍ-ի տիեզերագնաց Սատոսի Ֆուրուկավան կուղեւորվեն Հյուսթոն, հայտնում է ԻՏԱՌ-ՏԱՍՍ-ը:
Տիեզերագնացների հետ Երկիր են վերադարձել նաեւ դրոզոֆիլ ճանճերը, որոնք գիտնականներին կօգնեն հետազոտել տիեզերքում ԴՆԹ-ի կառուցվածքի վերականգնման գործընթացը:
Հիշեցնենք, Միջազգային տիեզերակայանում այժմ նոր թիմ է աշխատում` տիեզերագնացներ ամերիկացի Դանիել Բերբենկը, Ռոսկոսմոսից Անտոն Շկապլերովը եւ Անատոլի Իվանիշին:
