նախընտրելի դարձնելԱյս տարվա հունվարի 1-ից նոյեմբերի 23-ն ընկած ժամանակահատվածում Հայաստանի ԱԻՆ-ում գրանցվել է գազից թունավորման 143 դեպք: Այս մասին NEWS.am-ի թղթակցին հայտնեցին ԱԻՆ մամուլի ծառայությունում:
Համաձայն աղբյուրի` 143 դեպքերից 99 -ը շմոլ գազից թունավորումներն են եղել, 44-ը` կենցաղային գազից:
Գրանցված բոլոր դեպքերից 101-ը տեղի են ունեցել Երեւանում, մնացածը` մարզերում:
Թունավորման արդյունքում 7 մարդ զոհվել է (շմոլ գազից թունավորման արդյունքում), 183 մարդ տուժել է: Մահվան ելքով դեպքերից 2-ը տեղի է ունեցել Երեւանում, 1-ը` Տավուշի մարզում, 4–ը` Գեղարքունիքում:
