ՆախընտրելիԵմենի նախագահ Ալի Աբդուլա Սալեհն այսօր` նոյեմբերի 23-ին իշխանությունը ժամանակավոր կառավարությանը փոխանցելու վերաբերյալ փաստաթղթերի փաթեթ է ստորագրել:
Ինչպես հաղորդում է Reuters-ը, իշխանությունը փոխանցվել է փոխնախագահին: Փաստաթղթերի փաթեթը ենթադրում է նաեւ ժամանակավոր անցումային կառավարության ստեղծում եւ երկրում ազատ ընտրությունների անցկացում:
Համաձայնագրի ստորագրման արարողությունը տեղի է ունեցել Էլ Ռիյադում` Սաուդյան Արաբիայի թագավորի եւ եմենական ընդդիմության ներկայացուցիչների մասնակցությամբ: Նրանք եւս փաստաթղթերի տակ իրենց ստորագրություն են դրել:
Սալեհին եւ նրա մերձավորներին փոխարենն անձեռնմխելիություն է խոստացվել:
Հիշեցենեք, որ Եմենի նախագահը մի քանի անգամ համաձայնել էր հրաժարական տալ, սակայն վերջին պահին հրաժարվել էր ստորագրել համաձայնագիրը:
Երկիրն ավելի քան 30 տարի կառավարող Սալեհի հրաժարականի պահանջով հակակառավարական ցույցերը Եմենում շարունակվում էին փետրվարից:
