ՆախընտրելիՊաղեստինյան խոշորագույն ՖԱԹՀ եւ ՀԱՄԱՍ շարժումները հայտարարել են բոլոր հակասությունների կարգավորման եւ համատեղ աշխատանքի պատրաստակամության մասին:
Պաղեստինյան ազգային վարչակազմի ղեկավար եւ ՖԱԹՀ-ի առաջնորդ Մահմուդ Աբասը եւ իսլամական ՀԱՄԱՍ շարժման ղեկավար Հալեդ Մաշաալը բանակացությունների արդյունքներով մամլո ասուլիս են հրավիրել Կահիրեում:
«Մենք այլեւս տարաձայնություններ չունենք, պատրաստ ենք աշխատել միասին, կիսել պատասխանատվությունը»,-հայտարարել է Աբասը: Իր հերթին Մաշաալը հավաստիացրել է, որ ՖԱԹՀ-ն ու ՀԱՄԱՍ-ը «պաղեստինյան ժողովրդին վերաբերող բոլոր հարցերով գործընկերության նոր էջ են բացեկ»:
Սակայն երկու առաջնորդներն էլ ոչինչ չեն հաղորդել կոնկրետ պայմանավորվածությունների մասին: Ըստ պաղեստինյան լրատվամիջոցների` կարեւոր արդյունքներից մեկը եղել է Գազայի հատվածում եւ Հորդանանի արեւմտյան ափին քաղբանտարկյալների ազատ արձակման վերաբերյալ պայմանավորվածությունը:
Ինչպես ավելի վաղ հաղորդել էր NEWS.am-ը, ՖԱԹՀ-ն ու ՀԱՄԱՍ-ը քառամյա թշնամանքից հետո գարնանը պայմանավորվել էին միջպաղեստինյան հաշտեցման վերաբերյալ: Կողմերը համաձայնեցրել էին Պաղեստինում նախագահական եւ խորհրդարանական ընտրությունների անցկացման հարցերը, ինչպես նաեւ պայմանավորվել էին անկախ թեկնածուներից նոր անցումային կառավարություն ձեւավորելու վերաբերյալ:
