Մենք չգիտենք, թե ինչ պայմաններ են մեզ թելադրված,. մենք չգիտենք գաղտնի բանակցությունների բովանդակությունը, մենք չգիտենք, թե ինչ պահանջներ են մեզ ներկայացնում թե՛ Հյուսիսում, թե՛ Արեւմուտքում, թե՛ Հարավում։ Այս մասին հուլիսի 11-ի քննարկումներում ասել է «Տավուշը հանուն հայրենիքի» շարժման առաջնորդ Բագրատ սրբազանը։

Նրա խոսքով՝ կարեւոր չէ, թե ինչ են ասում Ռուսաստանը, Արեւմուտքը, Իրանը, Թուրքիան եւ Ադրբեջանը, այլ կարեւոր է, թե ինչ է ասում Հայաստանն իր մասին եւ ինչ է նա անում իր զարգացման համար։

Նա ավելացրել է, որ քննարկումները պետք է հանգեցնեն առարկայական փոփոխությունների, որպեսզի բոլորը չսահմանափակվեն այս կամ այն փաստաթղթերի ընդունմամբ։ «Քննարկումների մեկնակետը  պետք է լինի այն փաստը, որ այդ ամենը մենք չգիտենք։ Ստացվող առաջարկները պետք է  ունենան թե՛ տեսական, թե՛ գործնական բնույթ։ Մեր պատմությունից, որը կապված է նաեւ հաջողությունների հետ, հրաժարվել պետք չէ»,- ընդգծել է Գալստանյանը։

Սրբազանը նշել է սփյուռքի ներգրավման կարեւորությունը Հայաստանի արտաքին քաղաքականությանը։