ՆախընտրելիNASA-ի «սիրողական» մարսագնացը` Curiosity -ին, նոյեմբերի 26-ին կսկսի իր ճանապարհորդությունը դեպի Կարմիր մոլորակ, որպեսզի գտնի մարդկությանը վաղուց տանջող ` «Կա՞ արդյոք կյանք Մարսի վրա» հարցի պատասխանը:
«Ատլաս-5» հրթիռակիրը, որում շարժական լաբորատորիա է տեղակայված, բաց կթողնվի Կանավերալ հրվանդանից: Թռիչքի համար «պատուհանը» կբացվի ԱՄՆ արեւելյան ափի ժամանակով ժամը 10:02-ին (Երեւանի ժամանակով ժամը 19:02-ին) եւ կշարունակվի 1 ժամ 43 րոպե:
ԱՄՆ տիեզերական գերատեսչության հաշվարկով` Curiosity -ին Մարս կհասնի 2012թ. օգոստոսին: Մարսային մեկ տարվա (687 երկրային օր) ընթացքում այն պետք է հետազոտի ավստրալացի աստղագետ Գեյլի անունը կրող խառնարանը, որտեղ ավելի մեծ է կյանքի գոյության հետքեր գտնելու հավանականությունը: Բացի այդ, կուսումնասիրվի նաեւ մոլորակի ձեւավորման պատմությունը, նրա երկրաբանական առանձնահատկությունները:
Curiosity ծրագրի արժեքը 2,5 մլրդ դոլար է: Curiosity-ին, սակայն, NASA-ի միակ ապարատը չի լինի Կարմիր մոլորակի մակերեւույթի վրա: 2004 թ-ից այնտեղ է Opportunity մարսագնացը, իսկ նրա երկվորյակ եղբոր` Spirit-ի հետ կապն անհետացել էր մարտի 23-ին, հիշեցնում է ԻՏԱՌ-ՏԱՍՍ-ը:
