նախընտրելի դարձնել
Թուրքիան խստորեն դատապարտել է Թեհրանում պաղեստինյան արմատական ՀԱՄԱՍ շարժման քաղաքական բյուրոյի ղեկավար Իսմայիլ Հանիեի սպանությունը։ Դրա մասին ասված է Թուրքիայի ԱԳՆ հայտարարության մեջ։
«Դատապարտում ենք Թեհրանում ՀԱՄԱՍ-ի քաղբյուրոյի ղեկավար Իսմայիլ Հանիեի ստոր սպանությունը։ Մեր խորին ցավակցությունն ենք հայտնում Պաղեստինի ժողովրդին, որը Հանիեի նման հարյուր հազարավոր նահատակների է զոհաբերել, որպեսզի կարողանա խաղաղ ապրել իր հայրենիքում, իր պետությունում»,- ասված է հայտարարության մեջ։
«Եվս մեկ անգամ պարզվեց, որ Նեթանյահուի կառավարությունը մտադիր չէ հասնել խաղաղության։ Հարձակման նպատակն է նաև Գազայի պատերազմն ընդլայնել տարածել տարածաշրջանում: Եթե միջազգային հանրությունը Իսրայելին կանգնեցնելու քայլեր չձեռնարկի, մեր տարածաշրջանը կբախվի շատ ավելի լուրջ հակամարտությունների»,- նշված է փաստաթղթում։
