Իրանը և Տաջիկստանը պայմանավորվել են օգոստոսի 10-ից չեղարկել երկու երկրների միջև մուտքի թույլտվության պահանջները։

Իրանի ԱԳՆ հյուպատոսական դեպարտամենտի գլխավոր տնօրեն Ալիռեզա Մահմուդին Tasnim գործակալությանը հայտնել է, որ Իրանի և Տաջիկստանի կառավարություններն իրենց քաղաքացիների ճանապարհորդությունը հեշտացնելու համար մտադիր են օգոստոսի 10-ից առանց վիզայի փոխադարձ ծրագրեր ներդնել:

Ալիռեզա Մահմուդին հայտարարել է, որ Իրանի և Տաջիկստանի սովորական անձնագրեր ունեցողները կարող են 30 օրով առանց վիզայի մուտք գործել մյուս երկիր։ Նա հավելել է, որ առանց վիզայի ռեժիմը վերաբերում է միայն Թեհրան-Դուշանբե չվերթերով մեկնող ուղևորներին։