Ուրբաթ օրը Տոկիոյի շրջանում չեղարկվել են օդային և երկաթուղային չվերթերը և բնակիչներին զգուշացվել է ուժեղ քամիների, հորդառատ անձրևների, հնարավոր ջրհեղեղների և սողանքների մասին, քանի որ թայֆունն անցել է Ճապոնիայի մոտովուղղվելով  դեպի  հյուսիս՝ Խաղաղ օվկիանոս, հաղորդում է AP-ն:

Կանխատեսվում է, որ «Ամպիլ» թայֆունը կհասնի Տոկիոյի մերձակայքում գտնվող ջրերին երեկոյան, այնուհետև կշարունակի իր ընթացքը հյուսիս՝ շաբաթ վաղ առավոտյան հյուսիսային Կանտո և Տոհոկու շրջաններում փոթորկոտ պայմաններ առաջացնելով: Ուրբաթ առավոտյան նրա քամու պոռթկումներով արագությունը հասել է 162 կմ/ժ արագության և այն հյուսիս է շարժվել 15 կմ/ժ արագությամբ, հայտնում է Ճապոնիայի օդերևութաբանական գործակալությունը։ Ակնկալվում է, որ «Ամպիլը» ցամաք դուրս չի գա և մինչև կիրակի կթուլանա՝ հանելով արևադարձային փոթորկի մակարդակի:

«Սինկանսեն» արագընթաց գնացքները, որոնք շարժվում են Տոկիոյի և Նագոյաի միջև, ամբողջ օրվա ընթացքում կանգնեցվել են, ասել է Կենտրոնական ճապոնական երկաթուղին, ինչը սովորական արձագանք է թայֆուններին: Ճապոնիայի հյուսիս-արևելքը սպասարկող արագընթաց գնացքները և Տոկիոյի որոշ տեղական գնացքներ  ժամանակավորապես կանգնեցվել են կամ անցել ավելի դանդաղ չվացուցակի:

Տասնյակ մեկնող և ժամանող չվերթեր են չեղարկվել Տոկիոյի երկու օդանավակայաններում, ինչպես նաև Կանսայի, Օսակա և Չուբու օդանավակայաններում։ Ճապոնական ԶԼՄ-ների տվյալներով, չվերթերի չեղարկումը կանդրադառնա մոտ 90 հազար մարդու վրա։ Մի քանի ավտոճանապարհներ նույնպես կարող են մասամբ փակվել երթևեկության համար։