նախընտրելի դարձնել
Նովոսիբիրսկի մարզի Բերդսկ քաղաքը հոսանքազրկվել է, երբ մոտորանավակը բախվել է էլեկտրամատակարարման հոսքագծին։ Ըստ «Коммерсантъ»-ի՝ դրա մասին հայտնել են ՌԴ Քննչական կոմիտեի Արևելյան միջտարածաշրջանային վարչության մամուլի ծառայությունից։
Դեպքը տեղի է ունեցել Բերդ (Бердь) գետի վրա՝ քաղաքի մերձակայքում։ 2021 թվականի բաց աղբյուրների տվյալներով՝ Բերդսկում ապրում է մոտ 100 հազար մարդ։
Բերդսկի ղեկավար Ռոման Բուրդինը իր թելեգրամյան ալիքում գրել է, որ մոտորանավակի անձնակազմի բոլոր անդամները ողջ են։ Նախնական տվյալներով՝ միջադեպի պատճառը եղել է տեխնիկական անսարքությունը։
Նովոսիբիրսկի մարզային տրանսպորտի հետաքննչական վարչությունը սկսել է նախաքննական ստուգում ներքին ջրային փոխադրամիջոցների անվտանգության կանոնների խախտման և շահագործման հանգամանքներով (ՌԴ Քրեական օրենսգրքի 263-րդ հոդված):
