նախընտրելի դարձնելՌուսական «Яндекс» որոնման համակարգը կսկսի ադմինիստրատորներին տեղեկացնել իրենց կայքերի վարակվածության մասին: Հաղորդագրությունները կուղարկվեն էլեկտրոնային հասցեներին:
Բանն այն է, որ կայքերի ադմինիստրատորները շատ ուշ են իմանում, որ իրենց կայքը վարակված է եւ տարածում են վիրուսը: Վարակված կայքերի 20%-ի դեպքում վիրուսը «գոյատեւում» է տարուց ավելի: Այժմ նրանք որոնման համակարգի կողմից էլեկտրոնային փոստով ծանուցումներ կստանան: Նամակները կուղարկվեն դոմենի գրանցման ժամանակ նշված հասցեին կամ ստանդարտ հասցեներին (webmaster@, root@, postmaster@):
«Яндекс»-ը օրական 21 մլն էջեր է ստուգում, որոնցից 3 հազար կայքերում վտանգավոր կոդեր է հայտնաբերում: Այժմ «Яндекс»-ի բազայում 430 հազարից ավելի վարակված ռեսուրսներ կան:
Վարակված կայքերի գրեթե կեսը(ավելի քան 46%-ը), գրանցված են .com դոմենում, երկրորդ եւ երրորդ տեղերում են .ru եւ .net դոմենները (համապատասխանաբար 10% եւ 8%): «Яндекс»-ում ամենաանվտանգ դոմենը համարում են .uk -ը (Մեծ Բրիտանիա, շուրջ 1%), հաղորդում է «Դելովոյ Պետերբուրգը»:
